69-гадовы венесуэльскі біскуп памёр ад COVID-19

Канферэнцыя біскупаў Венесуэлы (CEV) абвясціла ў пятніцу раніцай, што 69-гадовы біскуп Трухільё Кастар Асвальда Азуахе памёр ад COVID-19.

Некалькі святароў па ўсёй краіне памерлі ад COVID-19 з таго часу, як пандэмія дасягнула краіны, але Азуахе стаў першым венесуэльскім біскупам, які памёр ад гэтай хваробы.

Азуахе нарадзіўся ў Маракайба, Венесуэла, 19 кастрычніка 1951 г. Ён далучыўся да кармэлітаў і завяршыў фармацыю ў Іспаніі, Ізраілі і Рыме. У 1974 г. прыняў сан кармэліта босага, а на Каляды 1975 г. у Венесуэле атрымаў прэзбітэрскае пасвячэнне.

Азуаджэ браў на сябе розныя абавязкі кіраўніцтва ў сваім рэлігійным ордэне.

У 2007 г. ён быў прызначаны дапаможным біскупам архідыяцэзіі Маракайба, а ў 2012 г. папа Бэнэдыкт XVI прызначыў яго біскупам Трухільё.

«Венесуэльскі епіскапат далучаецца да смутку аб смерці нашага брата ў біскупскім служэнні, мы застаемся ў еднасці з хрысціянскай надзеяй на абяцанне ўваскрасення нашага Пана Езуса Хрыста», — гаворыцца ў кароткай заяве.

У Венесуэле дзейнічаюць 42 біскупы.