Біскуп Філіпін у Меджугор'і "Я веру, што Маці Божая тут"

Хуліта Картэс, біскуп з Філіпін, знаходзіўся ў Меджугор’і ў кампаніі трыццаці пяці пілігрымаў. Ён чуў пра Меджугор’е з самага пачатку аб’яўленняў, калі яшчэ быў студэнтам у Рыме. У шырокай размове для Радыё «Мір» Меджугор’е біскуп казаў, між іншым, пра радасць ад магчымасці прыехаць, але і аб цяжкасцях, якія аб’ектыўна былі для іх на шляху ў Меджугор’е. «Нам прыехаць сюды вельмі дорага. На Філіпінах няма амбасадаў Харватыі і Босніі і Герцагавіны, таму аператарам турыстычных агенцтваў прыйшлося ехаць у Малайзію, каб атрымаць для нас візы», — сказаў біскуп Картэс. Калі яны прыбылі ў Меджугор’е, магчымасць цэлебрацыі святой Імшы, а потым і адарацыі Езуса ў Найсвяцейшым Сакрамэнце Алтара стала для іх знакам прывітання. «Я думаю, што Маці Божая хоча, каб мы былі тут», — падкрэсліў біскуп. Пра свой народ і краіну Філіпіны ён сказаў: «Нас лічаць калыскай хрысціянства на Далёкім Усходзе. З пункту гледжання жыцця веры перад намі стаяць вялікія выпрабаванні, як і перад іншымі краінамі, дзе жывуць хрысціяне. Ёсць патрэба ў евангелізацыі”. Біскуп таксама шмат гаварыў пра неабходнасць сапраўднага заангажавання ў гэты Год веры. Сказанае Святым Айцом у Лісце “Porta Fidei” ён лічыць магчымасцю і выклікам