Burkina Faso: weerarkii lagu qaaday kaniisadda waxaa ku dhintay ugu yaraan 14 qof

Ugu yaraan 14 qof ayaa ladilay kadib markii dablay hubaysan ay rasaas ku fureen gudaha kaniisad kutaala Burkina Faso.

Axaddii, dhibbanayaashu waxay ka qayb galeen adeeg ku yaal kaniisad ku taal Hantoukoura, ee qaybta bari ee waddanka.

Dableyda hubeysan ayaan la garanayn cida ay yihiin iyo sababta aan cadeyn.

Boqolaal dad ah ayaa lagu dilay wadanka sanadihii ugu dambeeyay, badiyaa kooxaha jihaadiyiinta ah, taasoo kicisay xiisadaha qowmiyada iyo diinta gaar ahaan xadka ay wadaagaan Mali.

Qoraal ka soo baxay dowladda gobolka ayaa lagu sheegay in dad badan ay dhaawacmeen.

Ilo wareed dhanka amaanka ah ayaa u sheegay wakaalada wararka ee AFP in dad hubaysan ay fuliyeen weerarka “iyagoo fulinaya kuwa aaminka ah oo ay ku jiraan wadaad iyo caruur”.

Ilo kale ayaa sheegay in dableyda ay ku baxsadeen mootooyin.

Bishii Oktoobar ee la soo dhaafay, 15 qof ayaa ku dhimatay labo kalena si xun ayaa looga dhaawacay weerar lagu qaaday masaajid.

Weerarada Jihaadiyiinta ayaa ku kordhay Burkina Faso tan iyo sanadkii 2015, taasoo ku qasabtay kumanaan iskuul inay xiraan.

Khilaafka ayaa ku fiday xuduuda dalka Mali oo daris la ah, halkaas oo xagjiriinta Islaamiga ahi ay ku qabsadeen woqooyiga dalka sanadkii 2012, kahor inta aysan ciidamada Faransiiska dib u riixin.