Molaetsa o fuoeng Medjugorje ka la 2 Hlakubele 2016

“Bana ba ka, ho fihla ha ka hara lona ke mpho e tswang ho Ntate ya lehodimong. Ka lerato la hae ke tlil'o u thusa ho fumana tsela ea 'nete, ho fumana tsela e eang ho Mora oa ka. Ke tlile ho tiisa Nnete. Ke lakatsa ho u hopotsa mantsoe a Mora oa ka.
O boletse mantsoe a pholoho bakeng sa botho bohle, bakeng sa lefatše lohle. Mantsoe a lerato ho bohle. Lerato leo a re bontšitseng lona ka sehlabelo sa hae. Empa le kajeno bana ba ka ba bangata ha ba mo tsebe ebile ha ba batle ho mo tseba. Ha ba tsotelle. Pelo ea ka e opeloa ke ho se tsotelle. Mora oa ka esale a le ka ho Ntate, ka tsoalo ea hae o re tliselitse bomolimo empa karolo ea motho e bo amohetse ho nna.
Lentswe la tla le yena, lesedi la lefatshe la tla le yena
e kenang ka lipelong le ho ba bonesetsa le ho ba tlatsa lerato la matšeliso.
Bana ba ka, Mora oa ka a ka bonoa ke bohle ba mo ratang hobane sefahleho sa hae se bonoa meeeng e tletseng lerato la hae. Ka hona, bana ba ka, baapostola ba ka, 'mameleng: siea lintho tsa lefeela, boithati, u se ke ua phelela lintho tsa lefatše, bakeng sa lintho tse bonahalang. Rata Mora oa ka 'me u etse hore ba bang ba bone sefahleho sa hae leratong la hao ho uena.