Pandemia e detyron Papa Françeskun të anulojë ceremoninë vjetore të pagëzimit në Kapelën Sistine

Papa Françesku nuk do të pagëzojë fëmijët në Kapelën Sistine këtë të Dielë për shkak të pandemisë së koronavirusit.

Zyra e shtypit e Selisë së Shenjtë njoftoi më 5 janar se foshnjat do të pagëzohen në famullitë e tyre të origjinës.

"Për shkak të kushteve shëndetësore, si një masë paraprake, pagëzimi tradicional i fëmijëve i kryesuar nga Ati i Shenjtë në Kapelën Sistine të Dielën e Pagëzimit të Zotit nuk do të festohet këtë vit," tha zyra e shtypit.

Më shumë se 75.000 njerëz kanë vdekur në Itali nga COVID-19, numri më i lartë i çdo vendi në Evropë. Qeveria italiane aktualisht po shqyrton kufizime të mëtejshme për shkak të një vale të dytë të virusit.

Shën Gjon Pali II filloi traditën papnore të pagëzimit të fëmijëve në Kapelën Sistine, selia e konklavave papnore, në festën e Pagëzimit të Zotit.

Në ditën e festës vitin e kaluar, Papa Françesku pagëzoi 32 foshnje - 17 djem dhe 15 vajza - të lindura nga punonjës të Vatikanit.

Ai u tha prindërve se nuk duhet të shqetësohen nëse fëmijët e tyre qajnë në masë.

"Lërini fëmijët të qajnë", tha Papa. "Ashtë një homel i bukur kur një fëmijë qan në kishë, një homel i bukur"